काठमाडौँ — आह्वान भइसकेको संसद् बैठक स्थगित गरेर अध्यादेश ल्याउन खोजेको भन्दै विपक्षी दलहरूले त्यसमा साझा धारणा बनाउन संयुक्त बैठक बसेका छन् । 

सिंहदरबारस्थित कांग्रेस संसदीय दलको कार्यालयमा बसेको बैठकमा कांग्रेस, एमाले, नेकपा, राप्रपाका सांसदहरूले सरकारले संसद् छलेर अध्यादेश ल्याउने काम गरेको भन्दै त्यसविरुद्ध साझा धारणा बनाएर जानुपर्ने धारणा राखेका छन् ।

नेकपाका प्रमुख सचेतक युवराज दुलालले सरकारले अध्यादेश ल्याएको विषयमा छलफल गर्न विपक्षी दलको बैठक बसेको र यसले साझा धारणा बनाएर अघि बढ्ने बताए ।