लामिछानेले 'खतरापूर्ण रुपमा ज्यान जोखिममा राखेर खोला किनारमा बसेको र हडपिएको अवस्था जोकोहीले प्रस्ट देख्ने अवस्था भएको ठाउँमा मात्र त्यस्तो कदम चालिएको समेत जिकिर गरे । 

'प्रधानमन्त्रीज्यू आफैंसमेत यी ठाउँहरु प्राथमिकतामा थिए भन्नुभएको छ, अन्य ठाउँको हकमा स्थानीय सरकारका क्षेत्राधिकारमा केन्द्र सरकार प्रवेश गर्ने कुरा रहँदैनन् । कतिपय ठाउँमा स्थानीय सरकारले पनि त्यस्ता काम गरेका छन् । तर, उनीहरुको लगत राखेर व्यवस्थापन हुने प्रतिबद्धता व्यक्त भएका छन्,’ उनले भने । 

कतिपयले सुकुमवासी बस्ती खाली गराएको हकमा विरोध गरेको सन्दर्भमा उनले 'योभन्दा अझ राम्रो उपाय, अभ्यास भए त्यो सिक्न र हेर्न तयार’ रहेको बताएका छन् । अर्को प्रसंगमा उनले गृहमन्त्रीबाट राजीनामा दिएका सुधन गुरुङमाथि छानबिनको प्रक्रिया चाँडै सुरु हुने बताए । 'उहाँ आफैंले नैतिकता देखाएर छानबिन गरियोस् भन्नुभएको हो,’ उनले भने, 'कुन प्रक्रियाबाट छानबिन हुन्छ भन्ने कुरा चाहिँ तपाईंहरुलाई चाँडै थाहा हुन्छ ।’