काठमाडौँ — सरकारले फिर्ता बोलाए पनि परराष्ट्र मन्त्रालयमा हाजिर गरेर बसेका जर्मनीका लागि नेपालका तत्कालीन राजदूत डा.शैल रूपाखेतीले राजीनामा दिएका छन् ।

सुशीला कार्की नेतृत्वको सरकारले ३० असोजमा राजनीतिक कोटाबाट नियुक्ति पाएर गएका विभिन्न ११ देशका राजदूतहरूलाई फिर्ता बोलाएको थियो । फिर्ता बोलइएकामध्ये केही राजदूतले सर्वोच्चलाई गुहारेका थिए । सर्वोच्चले १७ कात्तिकमा राजदूत फिर्ता बोलाउने निर्णय कार्यान्वयन नगर्न आदेश दिएको थियो । 

सर्वोच्चको त्यही आदेशका आधारमा फिर्ता बोलाइएका राजदूतहरूमध्ये केहीले मन्त्रालयमा हाजिर गर्दै आए । कतिपयले तत्कालै राजीनामा दिएका थिए । पछिल्लो समय २ जनाले मन्त्रालयमा हाजिर गर्दै आएका थिए । त्यसमध्ये रूपाखेतीले राजीनामा दिएका छन् । अब स्पेनका लागि तत्कालीन नेपालका राजदूत सनिल नेपाल मात्रै हाजिर गर्नेमा बाँकी छन् । राजीनामा दिएका रूपाखेतीले सर्वोच्च अदालतको आदेश पालना गर्न मन्त्रालयमा हाजिर रहे पनि कुनै पनि सेवा सुविधा नलिएको बताएका छन् ।