संसद्मा रास्वपाले ठूलो मत प्राप्त गरेको भए पनि प्रतिपक्षको सम्मान गर्ने लामिछानेको भनाइ थियो । 'प्रतिपक्षमा नागरिकको भूमिका रहन्छ, मिडियाको भूमिका रहन्छ, नागरिक समाजको भूमिका रहन्छ, राजनीतिक दल पनि प्रतिपक्षमा छन् । संख्या हेरौं, अन्तिम परिणाम आउन बाँकी नै छ । यसको अर्थ के भने दलका रुपमा, नेताका रुपमा कोही प्रतिपक्ष नहुँदैमा समाज प्रतिपक्ष हुँदैन भन्ने होइन,' उनले भने । 

नागरिकले गरेको अपेक्षा र आशा पूरा गर्नका लागि रास्वपाले काम गर्ने लामिछानेको भनाइ थियो । 'हिजोसम्म उहाँहरूले भोट खसाल्नु भयो, अब त आफूले खसालेको भोटको हिसाब माग्नुहुन्छ, त्यो हिसाब माग्ने चेतन भएका जनता हाम्रो प्रतिपक्ष हो, हामी त्यो प्रतिपक्षको सम्मान पनि गर्छौं र त्यो प्रतिपक्षलाई चाहिँ चित्त बुझ्ने गरी काम गर्ने हामीले योजना बनाएका छौं,' उनले भने ।