सोबिता गौतमले सबै मतदातालाई निर्वाचनमा भाग लिन आह्वान गरेकी छन् ।
काठमाडौँ — राष्ट्रिय स्वतन्त्र पार्टीका नेता तथा चितवन निर्वाचन क्षेत्र नम्बर ३ का उम्मेदवार सोबिता गौतमले देशभर निष्पक्ष र शान्तिपूर्ण ढंगले निर्वाचन सम्पन्न हुनुपर्ने बताएकी छन् ।
चितवनको निर्वाचन क्षेत्र नम्बर ३ भतरपुर- १५ स्थित राष्ट्रिय आधारभूत विद्यालय, मंगलपुर बजार मतदान केन्द्रबाट मतदान गरेपछि गौतमले उक्त प्रतिक्रिया दिएकी हुन् ।
गौतमले भनिन्, 'निर्वाचन निष्पक्ष होस् । शान्तिपूर्ण ढंगले देशव्यापी रुपमा निर्वाचन सम्पन्न होस्, मेरो सबैलाई शुभकामना छ ।'
