जनकपुर — धनुषा-१ रास्वपा उम्मेदवार किशोरी साह कमलको उम्मेदवार खारेज भएको छ । निर्वाचन आयोगका प्रवक्ता नारायणप्रसाद भट्टराईका अनुसार कालोसूचीमा रहेका कारण उनको उम्मेदवारी खारेज गरिएको हो ।

आयोगमा रहेको उम्मेदवारको वैयक्तिक विवरणमा किशोरीले कमल निर्माण सेवाको सेयर होल्डर भएर काम गरेको खुलाएका छन् । 

त्यस्तै किशोर कन्स्ट्रक्सनका किशोरीलाल साहलाई २०८० पुस ६ र २०७९ असोज ३१ मा कालो सूचीमा राखिएको कर्जा सूचनाको केन्द्र वेबसाइटमा उल्लेख छ । 

धनुषा निर्वाचन क्षेत्र १ का निर्वाचन अधिकृत मनोज बरालले रास्वपा उम्मेदवार साहविरुद्ध कालोसूचीमा परेको प्रमाणसहित आएको उजुरीका आधारमा निर्वाचन आयोगले उम्मेदवारी खारेज गरेको बताए । उनले आफूसँग पनि उम्मेदवारी खारेजीको आधिकारिक पत्र नआएको भने बताए ।