गोरखा — रास्वपा सभापति रवि लामिछानेले आफ्नो बहुमत नल्याए सबैभन्दा खुसी भ्रष्टाचारी हुने बताएका छन् । बिहीबार गोरखामा आयोजित चुनावी सभामा सभापति लामिछानेले फागुन २१ गते इतिहास लेखेर सुशासनको जग बसाल्ने बताए । 

‘धर्मका नाममा, जातका नाममा, समुदायको नाममा, सम्प्रदायको नाममा राजनीतिक रंग ओढेर मानिसहरू घर-घर छिर्दै छन्, खबरदारी गर्नुसु, होसियार रहनुहोला,’ उनले भने,‘चुनाव आउँछ जान्छ, तर हाम्रो सद्भाव आजको होइन, युग देखिएको हो, म भन्छु म धर्मका नाममा राजनीति गर्दिनँ ।’ 

सिंगो देशको मन जित्न नसकेपछि केहीले क्षेत्रीय, जातीय र धार्मिक राजनीतिको बीउ रोप्न लागेको लामिछानेको आरोप छ । ‘म छातीमा हात राखेर भन्न चाहन्छु, धर्मको राजनीतिको बीउ रोपियो भने एक दिन फल त लाग्ने छ, फल कस्तो होला भन्ने कुरा संसारको विभिन्न धार्मिक द्वन्द्वका भएका देशलाई हेर्नुहोला,’ उनले थपे,‘यो देशमा धर्मभित्र राजनीति गरेर सम्प्रदायलाई अलग बनाएर भोट बैंक बनाउनेहरूलाई फल्न र फुल्न दिनु हुँदैन ।’