माघ ६ मा मनोनयन दर्ता गरेपछि दाहालले पहिलो पटक चुनावी सभालाई सम्बोधन गर्न लागेका हुन्
काठमाडौँ — नेपाली कम्युनिस्ट पार्टीका संयोजक पुष्पकमल दाहाल फागुन १६ मा चुनावी सभाका लागि रोल्पा लिवाङ जाने भएका छन् ।
माघ ६ मा मनोनयन दर्ता गरेपछि दाहालको यो पहिलो चुनावी सभा हो । नेकपा नेता एवं रोल्पाका उम्मेदवार वर्षमा पुनले संयोजक दाहालले फागुन १६ को चुनावी सभालाई सम्बोधन गर्ने जानकारी दिए ।
अहिलेको निर्वाचनमा दाहाल चुनावी सभाका लागि आफ्नो निर्वाचन क्षेत्र बाहिर गएका छैनन् । उनी आफ्नो निर्वाचन क्षेत्र रुकुम पूर्वमा केन्द्रित भएका छन् ।
