दमक–९ स्थित उराव बस्तीबाट सुरु भएको घरदैलो कार्यक्रम उम्मेदवार बालेनकी पत्नी सविना सहभागी भएकी थिइन् ।
काठमाडौँ — झापा-५ मा घरदैलाे अभियानको नेतृत्व गर्दै बालेन्द्र शाहकी श्रीमती सविना काफ्लले प्रचार थालेकी छन् ।
उनको नेतृत्वमा सोमबार बिहान दमक–९ मा राष्ट्रिय स्वतन्त्र पार्टी (रास्वपा) को आयोजनामा मतदाता भेटघाट तथा घरदैलो कार्यक्रम भएको थियो ।
दमक–९ स्थित उराव बस्तीबाट सुरु भएको घरदैलो कार्यक्रम पाणिनि स्कुल हुँदै देवसिंह टोल, नौभाइ चोक र बुद्ध चोक पार गर्दै पुनः उराव बस्तीमै पुगेर समापन गरिएको थियो। कार्यक्रमका क्रममा रास्वपाका नेताहरूले स्थानीय मतदातासँग प्रत्यक्ष भेटघाट गर्दै उनीहरूका समस्या, गुनासा तथा सुझावहरू सुनेका थिए।
