काठमाडौँ — पूर्वप्रधानमन्त्री बाबुराम भट्टराईले प्रतिनिधिसभा निर्वाचनका लागि सक्रिय देखिएका काठमाडौंका मेयर बालेन्द्र शाह (बालेन) लाई मुलुकमा वैकिल्पक राजनीतिक शक्ति एक हुनेबेला भएको उल्लेख गर्दै अग्रगामी, आर्थिक समृद्धि र सुशासनको मुद्दासहित अघि बढ्न सुझाव दिएका छन् ।

ललितपुरमा दिनभर राजनीतिक भेटघाटमा व्यस्त रहेका बालेनले आफू सक्रिय राजनीतिमा आएको उल्लेख गर्दै सुझाव सल्लाहका साथै अभिभावकीय भूमिकामा रहन भट्टराईलाई आग्रह गरेका थिए । ‘म सक्रिय राजनीतिमा आउने भएँ, तपाईंको पूर्ण सहयोग हुन्छ कि हुँदैन ? म अब कसरी अघि बढ्नु पर्ला ?,’ बालेनको प्रश्नमा भट्टराईको भनाइ थियो, ‘वैकल्पिक विभाजित भएर होइन, एक भएर अघि बढनुपर्‍यो । अग्रगामी, प्रगतिशील आर्थिक समृद्धि र सुशासनको पक्षमा दृढतापूर्वक उभिनु पर्‍यो । मेरा पूर्ण साथ सहयोग रहने छ ।’