कांग्रेस धादिङले संघीय निर्वाचन क्षेत्र नं. १ र २ का सिफारिसका आधारमा आज प्रदेश समितिमा नाम सिफारिस गरेको हो।
What you should know
धादिङ — कांग्रेस धादिङले २०८२ फागुन २१ गते हुने प्रतिनिधि सभा निर्वाचनका लागि प्रत्यक्ष र समानुपातिकतर्फ तथा २०८२ माघ ११ गते हुने राष्ट्रिय सभा निर्वाचनका लागि ३५ जना उम्मेदवारको नाम प्रदेश समितिमा सिफारिस गरेको छ।
कांग्रेस धादिङले संघीय निर्वाचन क्षेत्र नं. १ र २ का सिफारिसका आधारमा आज प्रदेश समितिमा नाम सिफारिस गरेको हो।
पार्टीले बनाएको मापदण्डअनुसार एक संघीय निर्वाचन क्षेत्रबाट प्रत्यक्षतर्फ १ महिला सहित ३, समानुपातिकतर्फ १ महिला सहित २ र राष्ट्रिय सभातर्फ ३ जनासम्म सिफारिस गर्नुपर्नेमा धादिङ क्षेत्र नं. १ बाट प्रत्यक्षतर्फ १०, समानुपातिकतर्फ ४ र राष्ट्रिय सभातर्फ ४ जनाको सिफारिस भएको छ।
यता निर्वाचन क्षेत्र नं. २ बाट प्रत्यक्षतर्फ ११, समानुपातिकतर्फ ७ र राष्ट्रिय सभातर्फ १ जनाको नाम सिफारिस गरिएको छ।
तोकिएको समयभन्दा ३ दिन ढिलो गरी पुरानै मितिमा नामावली सार्वजनिक गरेको धादिङ कांग्रेसले मापदण्डअनुसार १६ जनाको नाम सिफारिस गर्नुपर्नेमा आकांक्षी धेरै भएपछि प्रत्यक्षतर्फ २१, समानुपातिकतर्फ १२ र मापदण्डअनुसार ६ जनासम्म सिफारिस गर्न मिल्ने राष्ट्रिय सभातर्फ २ वटै निर्वाचन क्षेत्रबाट जम्मा ३ जनाको नाम सिफारिस गरेको छ।
सिफारिस भएकामध्ये प्रत्यक्षतर्फ क्षेत्र नं. १ बाट ३९ वर्षीय राधाकृष्ण भण्डारी र क्षेत्र नं. २ बाट २८ वर्षीय अश्विन दुवाडीको नाम समावेश गरिएको छ।
सिफारिस भएका नाम यसप्रकार छन् :
निर्वाचन क्षेत्र नं. १ [प्रत्यक्षतर्फ]
समानुपातिकतर्फ
राष्ट्रिय सभातर्फ
निर्वाचन क्षेत्र नं. २ [प्रत्यक्षतर्फ]
समानुपातिकतर्फ
राष्ट्रिय सभा
