पूर्वएमाले उपाध्यक्ष भीम रावलसँग एकता घोषणा कार्यक्रममा निर्वाचनको पक्षम रहेका दलहरुलाई सरकारले सकारात्मक ढंगले हेर्नुपर्ने दाहालले बताए ।
काठमाडौँ — नेपाली कम्युनिस्ट पार्टीका संयोजक पुष्पकमल दाहालले आफ्नो पार्टी निर्वाचनको वातावरण बनाउन सबभन्दा सक्रिय रहेको दाबी गरेका छन् ।
उनले पूर्वएमाले उपाध्यक्ष भीम रावलसँग एकता घोषणा कार्यक्रममा निर्वाचनको पक्षम रहेका दलहरुलाई सरकारले सकारात्मक ढंगले हेर्नुपर्ने बताए ।
‘निर्वाचनको वातावरण बनाउन सबभन्दा अगाडि नेपाली कम्युनिस्ट पार्टी छ । सरकारले यो कुरा हेक्का राखोस्,’ उनले भने, ‘सरकारले राम्रोसँग बुझोस् । तपाईंहरुको निर्वाचन घोषणालाई सकारात्मक वातावरण बनाउने पार्टी र नेताहरुलाई अपमान नगरियोस् ।’
