काठमाडौँ — असोज २८ गतेदेखि सुरु भएको कांग्रेस केन्द्रीय समिति बैठकले अहिलेसम्म २१ फागुनको निर्वाचनमा जाने/नजाने औपचारिक निर्णय समेत गर्न सकेको छैन । राष्ट्रिय मुद्दा र निर्वाचनको एजेन्डाभन्दा कांग्रेस बैठक निर्वाचन अगाडि नियमित महाधिवेशन गर्ने कि नगर्ने भन्ने विषयमा अल्झिएको छ। 

पार्टीको संस्थापन पक्ष निर्वाचन अगाडि कुनै पनि प्रकारको महाधिवेशन गर्ने पक्षमा नदेखिएपछि महामन्त्रीद्वय गगन थापा र विश्वप्रकाश शर्मा विशेष महाधिवेशनको तयारीमा जुट्न थालेका छन् । 

विशेष महाधिवेशनको माग गर्दै असोज २९ गते ५४% महाधिवेशन प्रतिनिधिहरूको हस्ताक्षरसहित पार्टी केन्द्रीय कार्यालय सानेपामा बुझाइसकेको छ। उसको २७ गते अगाडि नियमित महाधिवेशन नबोलाइए विशेष महाधिवेशन बोलाउनुपर्ने बाध्यात्मक व्यवस्था रहेको छ । 

आजको केन्द्रीय कार्यसमितिको बैठकमा पनि संस्थापन पक्षका नेताहरू निर्वाचन अगाडि महाधिवेशन हुन नसक्ने तर्क अघि सारेका छन् भने महामन्त्री पक्षधर नेताहरूले नियमित महाधिवेशन आकर्षित हुने धारणा राखेका छन्।