‘सुधारको योजना बोकेर नयाँ पुस्तालाई अघि बढाउने योजना छ,’ शर्माले भने ।
काठमाडौँ — माओवादी नेताहरू जनार्दन शर्मा र राम कार्कीले ‘प्रगतिशील अभियान, नेपाल’ घोषणा गरेका छन् । उनीहरूले मंगलबार पत्रकार सम्मेलन गरी ‘विद्रोह गर्नु अधिकार’ भएको भन्दै एकीकृत समाजवादी आन्दोलन अघि बढाउने बताएका छन् ।
उनीहरूले नेपाली विशेषताको समाजवाद निर्माणका लागि अभियान सुरु गरेको जनाएका छन् । ‘सुधारको योजना बोकेर नयाँ पुस्तालाई अघि बढाउने योजना छ,’ शर्माले भने ।
कार्कीले समाजवादी अभियानमा सहभागी हुन आग्रह गरे । माओवादीको पद त्यागेर नयाँ अभियान सुरु गरेको उनको भनाइ छ ।
