काठमाडौँ — निर्वाचन आयोगमा दर्ता भएका दलको संख्या १२५ पुगेको छ । यस्तै, गत आर्थिक वर्ष र जेन–जी आन्दोलनयता गरी दल दर्ताका लागि आएका १७ निवेदन आयोगमा विचाराधीन छन् ।

प्रतिनिधिसभा निर्वाचन घोषणा भएसँगै पुरानादेखि नयाँ पुस्तासम्मले दल खोलेर चुनावमा प्रतिस्पर्धा गर्ने तयारी गरेका छन् ।

निर्वाचन घोषणा भएपछि ३ नयाँ दल निर्वाचन आयोगमा दर्ता भएका छन् । धरान उपमहानगरपालिकाका प्रमुख हर्कराज राई नेतृत्वको श्रम संस्कृति पार्टी, नेपाल जनमुक्ति पार्टीबाट विभाजित राष्ट्रिय जनमुक्ति पार्टी र जनमत पार्टीबाट विभाजित जनस्वराज पार्टी आयोगमा दर्ता भएका हुन् ।

जेन–जी आन्दोलनयता परेका १० निवेदनमा राई नेतृत्वको पार्टीले प्रमाणपत्र पाएको हो भने अर्को एक पार्टीले प्रक्रिया अघि नबढाउन निवेदन दिएको छ, जसका कारण ८ निवेदनमा आयोगले निर्णय गर्न बाँकी छ । धरानका प्रमुख राई नेतृत्वको श्रम संस्कृति पार्टीले आइतबार दल दर्ता प्रमाणपत्र पाएको हो ।

वरिष्ठ अधिवक्ता सुरेन्द्र भण्डारीले नेपाल नागरिक पार्टी दर्ताका लागि निवेदन दिएकामा उनले प्रक्रिया अगाडि नबढाउन अर्को निवेदन दिएपछि आयोगले त्यसलाई स्थगन गरेको छ । नयाँ थपिएका २ दल भने पार्टी विभाजनपछि आयोगमा दर्ता भएका हुन् ।

केही दिनभित्र थप दल दर्ता हुने क्रममा छन् भने गत आर्थिक वर्षमा दल दर्ताका लागि परेका ९ निवेदनमा आयोगले निर्णय गर्न बाँकी छ । आवश्यक कागजात पूरा नगरेकाले ती निवेदन माथि प्रक्रिया अगाडि बढेको छैन ।

आयोगको राजनीतिक दल व्यवस्थापन महाशाखा प्रमुख यज्ञ भट्टराईले अहिले नयाँ दल दर्ताका लागि आएका ८ निवेदनको अध्ययन र आवश्यक कागजात मगाउने कार्य भइरहेको बताए । नेत्रविक्रम चन्द (विप्लव) को नेतृत्वमा कम्युनिस्ट पार्टी नेपाल, बुद्ध एयरका मालिक वीरेन्द्र बस्नेतको पहलमा दिनेशराज प्रसाईं अध्यक्ष रहने गरी गतिशील लोकतान्त्रिक पार्टी र गोपीलाल न्यौपानेको नेतृत्वमा नेपाल लिभर पार्टी दर्ता प्रक्रियामा छन् ।

त्यस्तै, अजयकुमार राईले राष्ट्रिय परिवर्तन पार्टी, हीराप्रसाद सेतीले राष्ट्रिय जेन–जी पार्टी, रेशम चौधरीले नागरिक उन्मुक्ति पार्टी नेपाल दर्ता प्रक्रिया अगाडि बढाएका छन् । नागरिक उन्मुक्ति पार्टीको विवाद नथामिएपछि उनले नयाँ दल दर्ताको प्रक्रिया थालेका हुन् । जनमोर्चाका पुराना नेता पूर्वराजदूत नवराज सुवेदीले नवयुग पार्टी दर्ताका लागि निवेदन दिएका छन् । यसअघि साउनमा ज्ञानबहादुर तामाङले उज्यालो नेपाल पार्टी दर्ताका लागि निवेदन दिएका थिए ।

आयोगका प्रवक्ता नारायणप्रसाद भट्टराई दल दर्ताको माग गरेर आएका निवेदनमाथि आयोगका तर्फबाट द्रुतगतिमा काम भइरहेको बताउँछन् । ‘एउटा दलले प्रमाणपत्र पाइसकेको छ । निवेदन आएकाको नपुगेका कागजात मागिएको छ । आइसकेका कागजातको अध्ययन भइरहेको छ,’ उनले भने ‘अब समय कम छ । आगामी निर्वाचनमा भाग लिन्छु भन्ने चाहना राख्नेले छिट्टो दल दर्ताको प्रमाणपत्र लिइसक्नुपर्ने हुन्छ ।’

२१ फागुनमा हुने प्रतिनिधिसभा निर्वाचनमा भाग लिन चाहने दलका लागि आयोगले दल दर्ता गराउन कार्यतालिका प्रकाशित गरिसकेको छ । आयोगले प्रकाशन गरेको निर्वाचन कार्यतालिकाअनुसार प्रतिनिधिसभा निर्वाचनका लागि १ देखि १० मंसिरसम्म दल दर्ता गर्नुपर्नेछ । त्यसका लागि ३० कात्तिकभित्रै दल दर्ताको प्रमाणपत्र लिइसक्नुपर्ने प्रवक्ता भट्टराईले बताए ।

दर्ता भएका दल

१. नेपाल मजदुर किसान पार्टी

२. नेपाल कम्युनिस्ट पार्टी (माले)

३. गान्धीवादी पार्टी नेपाल

४. नागरिक शक्ति, नेपाल

५. युनाइटेड नेपाल डेमोक्र्याटिक पार्टी

६. चुरेभावर लोकतान्त्रिक पार्टी

७. राष्ट्रिय मुक्ति आन्दोलन, नेपाल

८. राष्ट्रिय यथार्थवादी पार्टी, नेपाल

९. नेपाल समावेशी पार्टी

१०. राष्ट्रिय एकता पार्टी प्रजातन्त्रवादी

११. नेपाली ग्रिन्स पार्टी

१२. नेपाल जनता पार्टी

१३. राष्ट्रिय प्रजातन्त्र पार्टी

१४. नेपाल परिवार दल

१५. मधेश तराई फोरम

१६. आधुनिक नेपाल समाजवादी पार्टी

१७. नेपाल नौलो जनवादी पार्टी

१८. जनसेवा लोकतान्त्तिक पार्टी

१९. नेपाल कम्युनिस्ट पार्टी (मार्क्सवादी)

२०. नेपाल राष्ट्रवादी पार्टी

२१. नेपाल कम्युनिस्ट पार्टी

२२. मधेशी जनअधिकार फोरम मधेश

२३. नेपाल कम्युनिस्ट पार्टी

(एकीकृत मार्क्सवादी लेनिनवादी)

२४. संघीय लोकतान्त्रिक राष्ट्रिय मञ्च

२५. नेपाल कम्युनिस्ट पार्टी (माओवादी केन्द्र)

२६. नेपाली कांग्रेस

२७. राष्ट्रिय जनमोर्चा

२८. शिवसेना नेपाल

२९. बहुजन शक्ति पार्टी

३०. नेपाल मानवतावादी पार्टी

३१. खम्बुवान राष्ट्रिय मोर्चा, नेपाल

३२. संघीय नेपाल पार्टी

३३. नेपाल समाजवादी कांग्रेस

३४. नेपाल जनता संरक्षण पार्टी

३५. बहुजन समाज पार्टी नेपाल

३६. जन–राष्ट्रवादी पार्टी नेपाल

३७. समाजवादी पार्टी नेपाल

३८. नेपाल जनता दल

३९. राष्ट्रवादी एकता पार्टी

४०. जनप्रिय लोकतान्त्तिक पार्टी

४१. लोक दल

४२. देशभक्त समाज

४३. मितेरी पार्टी नेपाल

४४. अखण्ड सुदूरपश्चिम पार्टी नेपाल

४५. संघीय विकासवादी पार्टी नेपाल

४६. राष्ट्रिय विकास पार्टी

४७. नेपाः राष्ट्रिय पार्टी

४८. राष्ट्रिय एकता मञ्च

४९. जनजागरण पार्टी नेपाल

५०. नेपालवाद

५१. विकासशील जनता पार्टी

५२. राष्ट्रिय नागरिक पार्टी

५३. नेपाल जनमुक्ति पार्टी

५४. जनसमाजवादी पार्टी, नेपाल

५५. त्रिमुल नेपाल

५६. राष्ट्रवादी युवा मोर्चा

५७. समाजवादी पार्टी (लोहियावादी)

५८. इतिहासिक जनता पार्टी

५९. आमूल परिवर्तन रिपब्लिकन पार्टी नेपाल

६०. जन प्रजातान्त्तिक पार्टी, नेपाल

६१. मंगोल नेसनल अर्गनाइजेसन

६२. नेपाल संघीय समाजवादी पार्टी

६३. आम आदमी पार्टी नेपाल

६४. राष्ट्रिय समाजवादी पार्टी नेपाल

६५. नेपालका लागि नेपाली पार्टी

६६. संघीय खम्बुवान लोकतान्त्रिक पार्टी नेपाल

६७. नेपाली कांग्रेस (बीपी)

६८. विवेकशील साझा पार्टी

६९. सामाजिक लोकतान्त्रिक पार्टी

७०. प्रजातान्त्रिक पार्टी नेपाल

७१. नेपाल मातृभूमि पार्टी

७२. नेपाल लोकतान्त्रिक पार्टी

७३. राष्ट्रिय जनमुखी पार्टी लोकतान्त्रिक

७४. राष्ट्रिय प्रजातन्त्र पार्टी नेपाल

७५. जनमत पार्टी

७६. मौलिक जरोकिलो पार्टी

७७. माओवादी कम्युनिस्ट पार्टी, नेपाल

७८. नेपाल कम्युनिस्ट पार्टी मार्क्सवादी (पुष्पलाल)

७९. नेपाल सद्भावना पार्टी

८०. राष्ट्रिय साझा पार्टी

८१. माओवादी जनमुक्ति पार्टी नेपाल

८२. जनता समाजवादी पार्टी, नेपाल

८३. जनताको जनवादी पार्टी, नेपाल

८४. सचेत नेपाली पार्टी

८५. नेश्नलिस्ट पिपल्स पार्टी

८६. नेपाल कम्युनिस्ट पार्टी (लोकतान्त्रिक)

८७. नेपाल कम्युनिस्ट पार्टी परिवर्तन

८८. नेपाल कम्युनिस्ट पार्टी (एकीकृत समाजवादी)

८९. लोकतान्त्तिक समाजवादी पार्टी

९०. बहुजन एकता पार्टी नेपाल

९१. समाजवादी केन्द्र, नेपाल

९२. नेपाल कम्युनिस्ट पार्टी (समाजवादी)

९३. राष्ट्रिय सद्भावना पार्टी