प्रदर्शनमा भूमि सम्बन्धी समस्या समाधान आयोगको विधेयक फिर्ता र जनता समाजवादी पार्टी ( जसपा) पश्चिम नवलपरासीले गौर घटनाको विषयलाई जोडेर अध्यक्ष उपेन्द्र यादवमाथि राजनीतिक प्रतिशोध साँधेको भन्दै सरकारविरुद्ध नाराबाजी गरेका थिए ।
परासी — संघीय लोकतान्त्रिक मोर्चाले पश्चिम नवलपरासीमा विरोध प्रदर्शन गरेको छ । ।
राँके जुलुससहित जिल्लाको बेलाटारीमा भएको प्रदर्शनमा भूमि सम्बन्धी समस्या समाधान आयोगको विधेयक फिर्ता र जनता समाजवादी पार्टी ( जसपा) पश्चिम नवलपरासीले गौर घटनाको विषयलाई जोडेर उपेन्द्र यादवमाथि राजनीतिक प्रतिशोध साँधेको भन्दै सरकारविरुद्ध नाराबाजी भएको थियो ।
मोर्चामा आबद्ध दलका नेता कार्यकर्ताले सरकारविरुद्ध नाराबाजी गर्दै राँके जुलुस निकालेका थिए ।
प्रदर्शनको क्रममा प्रदर्शनकारीले बोकेको राँको खोस्ने क्रममा प्रहरी र प्रदर्शनकारीबीच केहीबेर झडपको स्थिति आएको थियो ।
भूमि सम्बन्धी समस्या समाधानको विधेयकमा असहमति राख्दा राज्यले अदालतमार्फत गौर घटनाको विषयमा उपेन्द्र यादवप्रति राजनीतिक प्रतिशोध राखेकाले विरोध प्रदर्शन गरेको जसपा नवलपरासीका अध्यक्ष धरेन्द्र यादवले बताए ।
