साउनको पहिलो सोमबार : शिवालयमा भक्तजनको घुइँचो [तस्बिरहरू]

साउने सोमबारलाई वैदिक सनातन हिन्दु धर्मावलम्बीका लागि धार्मिक तथा सांस्कृतिक रूपमा विशेष महत्वका रूपमा लिइन्छ ।

श्रावण ४, २०८३

काठमाडौँ — आज साउनको पहिलो सोमबार । बिहानैदेखि देशभरका शिवालयमा भक्तजनको घुइँचो लागेको छ । बिहान ३ बजेदेखि नै पशुपतिनाथ मन्दिरका चारै ढोका खोलिएको छ । पशुपतिनाथको दर्शनमा आउने श्रद्धालु भक्तजनको सहज, सुरक्षित तथा व्यवस्थित दर्शन तथा विशेष पूजा व्यवस्थापनको व्यवस्था गरिएको छ ।

First Monday of Shrawan: Devotees throng Shiva temple [Photos]

पशुपतिनाथसँगै राजधानीका गोकर्णेश्वर, नागेश्वर, डोलेश्वर, वसन्तपुर दरबार क्षेत्रको सानो पशुपतिनाथ भनेर चिनिने मक्खन महादेवलगायत राजधानीका ठूलासाना सबै शिव मन्दिरमा पनि भक्तजनको लाम लागेको छ ।

काठमाडौंको कोटेश्वरमा रहेको महादेव मन्दिरमा पनि बिहान सबेरैदेखि भक्तजनको घुइँचो लागेको थियो । साउने सोमबारलाई वैदिक सनातन हिन्दु धर्मावलम्बीका लागि धार्मिक तथा सांस्कृतिक रूपमा विशेष महत्वका रूपमा लिइन्छ ।

दीपक केसी कान्तिपुरका फोटोपत्रकार हुन् ।