नेपालको पछिल्लो इतिहासमा प्रधानमन्त्रीले विदेशी राजदूतहरूसँग सामूहिक भेट गरेको यो पहिलो पटक हो । विगतमा प्रधानमन्त्री नियुक्त भएसँगै कूटनीतिक मर्यादाभन्दा बाहिर गएर राजदूतहरूको अत्यधिक आवतजावत हुने गरेको थियो ।
काठमाडौँ — प्रधानमन्त्री वालेन्द्र शाहले विदेशी राजदूतहरूसँग सामूहिक रूपमा छलफल गरेका छन् । प्रधानमन्त्री बनेपछि शाहले पहिलोपल्ट विदेशी कूटनीतिज्ञहरूसँग छलफल गरेका हुन् ।
बुधबार मध्याह्न सिंहदरबारमा भएको छलफलमा परराष्ट्रमन्त्री शिशिर खनाल पनि उपस्थित थिए । देशको पछिल्लो राजनीतिक अवस्था र सरकारका प्राथमिकताबारे अन्तर्राष्ट्रिय समुदायलाई जानकारी गराउने उद्देश्यले सामूहिक छलफल गरिएको परराष्ट्र मन्त्रालयले जनाएको छ ।
![Group meeting of Prime Minister Shah and foreign ambassadors [Photos]](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2026/third-party/pm-with-diplomats-2-0842026122002-1000x0.jpg&w=1001&h=0)
![Group meeting of Prime Minister Shah and foreign ambassadors [Photos]](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2026/third-party/pm-with-diplomats-6-0842026121940-1000x0.jpg&w=1001&h=0)