अस्ताउँदो सूर्यलाई अर्घ्य दिएका व्रतालुहरुले भोलि (बुधबार) बिहान उदाउँदो सूर्यलाई अर्घ्य दिएसँगै व्रत समापन हुन्छ । कात्तिकमा पर्ने मुख्य छठमा नारायणगढ र चितवनका अन्य भेगमा सूर्य आरधनाका लागि नदी, खोला तथा ताल तलैयाहरुमा भक्तजनहरुको ठूलो भीडभाड लाग्छ । त्यसको तुलनामा चैते छठमा निकै कम संख्यामा भक्तहरु सूर्यलाई अर्घ्य दिने परिहस्त बताउँछन् ।

चितवनमा ५० को दशकपछि छठका बेला हुने भीडभाड बर्सेनि बढ्दै आएको हो । चैते छठमा पनि आठ १० वर्षयता भक्तहरुको जमघट बढ्न सुरु भएको परिहस्तले सुनाए । सूर्य आरधनासँग जोडिएको छठ पर्वका व्रतालुहरु कठोर विधि पालना गर्दै व्रत बस्ने गर्दछन् । छठमा गहुँको पिठोबाट बन्ने विशेष परिकार ठेकुवा रोटी प्रसादका रुपमा खाने चलन छ । सबै तस्बिर : रमेशकुमार पौडेल/कान्तिपुर ।