यहाँ भइरहेको प्रतिनिधिसभा सदस्य निर्वाचनमा मुस्लिम महिलाको उत्साहप्रद सहभागिता देखिएको छ । रमजानको महिनामा उनीहरू बिहानदेखि अबेर दिउँसोसम्म मतदान गरिरहेका छन् ।

मुलुककै मुस्लिम बहुल क्षेत्र भएकाले धेरै मुस्लिम महिला बुर्का लगाएरै मतदान केन्द्र पुगेका थिए । अहिलेसम्म जिल्लाभरि शान्तिपूर्ण रूपमा मतदान भइरहेको निर्वाचन कार्यालयले जनाएको छ ।

जिल्लाको तीन निर्वाचन क्षेत्रमा दलका ४९ र स्वतन्त्र ४९ गरी ९८ जना उम्मेदवार चुनावी प्रतिस्पर्धामा छन् । जिल्लामा ३ लाख ९६ हजार २ सय ६५ मतदाता रहेका छन् ।