काठमाडौं — बिहीबार सम्पन्न प्रतिनिधिसभा सदस्य निर्वाचनको मतपेटिका संकलनको काम धमाधम भइरहेको छ । बेलुकी ५ बजे मतदान सकिएपछि मतपेटिका संकलनको काम भइरहेको हो । विभिन्न केन्द्रका मतपेटिका सिल गरेर संकलन गरी मतगणनास्थलमा पुर्‍याउन थालिएको छ । सम्बन्धित निर्वाचन क्षेत्रका सबै मतपेटिका संकलन भएपछि सर्वदलीय बैठक बोलाएर मतगणना गर्ने तयारी भइरहेको निर्वाचन कार्यालयहरुले जनाएका छन् ।