आज सार्वजनिक बिदासमेत रहेकाले सर्वसाधारणले साथीभाइ र आफन्त भेला भइ एकअर्कामा अबिर दलेर होली मनाइरहेका छन् ।
काठमाडौँ — पहाडी जिल्लामा आइतबार उल्लासपूर्वक होली पर्व मनाइँदै छ । आज सार्वजनिक बिदासमेत रहेकाले सर्वसाधारणले साथीभाइ र आफन्त भेला भइ एकअर्कामा अबिर दलेर होली मनाइरहेका छन् ।
यस पटक निर्वाचन सुरक्षालाई मध्यनजर गर्दै स्थानीय प्रशासनले औपचारिक कार्यक्रम नगर्न आग्रह गरेको छ । त्यसैले गत वर्षहरूको जस्तो सांगीतिक कार्यक्रम भने छैनन् । शरद ऋतुबाट वसन्त ऋतुको आगमन भएको सुखद समयमा होली पर्व मनाइन्छ ।
काठमाडौं उपत्यकाका वसन्तपुर र पाटन दरबार स्क्वायरमा विदेशी पर्यटकसमेत होलीमा रमाइरहेका छन् ।
