प्रारम्भिक स्वास्थ्य परीक्षण, शारीरिक तन्दुरुस्ती परीक्षामा सफल भएका उम्मेदवाहरूलाई लिखित परीक्षामा सहभागी गराइएको जिल्ला प्रहरी कार्यालय गोरखाका डीएसपी राजकुमार श्रेष्ठले बताए । गोरखामा म्यादी प्रहरीका लागि १९ सय ६४ जनाले आवेदन दिएका छन् । 

जिल्ला प्रहरी कार्यालय गोरखा, इलाका प्रहरी कार्यालय पालुङटार र ठाँटीपोखरी तथा सशस्त्र प्रहरी बल नं २९ गुल्मबाट दरखास्त आह्वान भएको थियो । पुस २५ देखि माघ ३ गतेसम्म ५ सय ३ महिला र १ हजार ४ सय ६१ पुरुषले निर्वाचन प्रहरीका लागि आवेदन दिएका छन् ।  अहिले निर्वाचन प्रहरी छनोट कार्य भइरहेको डीएसपी श्रेष्ठले बताए । निर्वाचन प्रहरी भर्ना अन्तर्गत बिहीबार मौखिक परीक्षा लिइनेछ । 

निर्वाचन प्रहरीका लागि भने गोरखामा कोटा भन्दा कम आवेदन परेको थियो । २ हजार २ सय ८३ निर्वाचन प्रहरी आवश्यक रहेकामा १ हजार ९ सय ६४ जनाले मात्र आवेदन दिएका छन् । गोरखामा नेपाल प्रहरीतर्फ २ हजार २ सय ४ तथा सशस्त्र प्रहरी तर्फ ७९ जनाको लागि दरखास्त आह्वान भएको थियो । कोटा भन्दा ३ सय १९ कम आवेदन परेको छ ।