काठमाडौँ — वैकल्पिक रूपमा सिंहदरबारमा राष्ट्रिय सभाको बैठक हल तयार भएको छ । गत भदौ २३ र २४ गतेको जेन–जी आन्दोलन र प्रदर्शनका क्रममा नयाँ बानेश्वरस्थित संसद् भवनमा आगजनी र तोडफोड गरी क्षति पुर्‍याइएपछि सिंहदरबारमा रहेको कृषि, सहकारी तथा प्राकृतिक स्रोत समितिको हललाई राष्ट्रिय सभाको बैठक बस्ने गरी तयार गरिएको हो । सरकारले आगामी माघ ४ गते राष्ट्रिय सभाको बैठक बोलाउने निर्णय गरिसकेको छ ।