यता भृकुटिमण्डपमा प्रतिनिधिहरुको नाम दर्ता भइरहेको छ । उद्‌घाटनसत्र दिउँसो १ बजे भृकुटीमण्डपमा हुनेछ । महाधिवेशन आयोजक समितिका अनुसार उद्‌घाटन समारोहअघि शक्ति प्रदर्शनका रूपमा जुलुस आयोजना गरिएको हो ।

सबै रुटबाट बिहान साढे ११ बजे जुलुस निकालिएको छ । जुलुस भृकुटीमण्डप प्रवेश गरेपछि औपचारिक उद्‌घाटन कार्यक्रम सुरू हुनेछ।

उद्‌घाटन समारोह सकिएपछि आजै बन्दसत्र पनि प्रारम्भ गरिनेछ । दोस्रो विशेष महाधिवेशन व्यवस्थापन सचिवालयका अनुसार जुलुस ललितपुरको कुपण्डोल तथा काठमाडौंका सुन्धारा, रत्नपार्क, पद्मकन्या क्याम्पसचोक, शंकरदेव क्याम्पस र कमलपोखरीबाट भृकुटीमण्डपतर्फ प्रस्थान गर्नेछ ।