रंगशालामा दर्शकको बाक्लो उपस्थिति रहेको छ ।
काठमाडौँ — शनिबार त्रिवि अन्तर्राष्ट्रिय क्रिकेट मैदानमा सुदूरपश्चिम रोयल्स र लुम्बिनी लायन्सबीच उपाधिका लागि प्रतिस्पर्धा भइरहेको छ । रंगशालामा दर्शकको बाक्लो उपस्थिति रहेको छ । फ्लडलाइटमा पहिलो पटक भइरहेको फाइनल खेल हेर्न प्यारापीटको सबै टिकट बिक्री भएकोले रंगशाला भरिभराउ छ ।
टिकट काट्न नपाएकाहरू पनि कीर्तिपुर र त्रिभुवन विश्वविद्यालय हातामा पुगेका छन् । कतै टिकट पाइन्छ कि वा रुखमै चढेर हेर्न पाइन्छ कि भनेर रंगशालाको वरिपरि आएको बताइरहेका छन् ।
सुरक्षा निकायले भने खेल सुरक्षा भन्दै बिहान १२ बजे नै मुख्य गेट बन्द गरेर अन्य बाटोबाट मैदान छिर्न पठाएको थियो। बिहान केहीबेर टिकट नपाएको भन्दै हुल हुज्जत भएको थियो ।
