विराटनगर किंग्सले शनिबारको दोस्रो खेलमा काठमान्डु गोर्खाजलाई ५ विकेटले पराजित गर्यो ।
काठमाडौँ — विराटनगर किंग्सले नेपाल प्रिमियर लिग (एनपीएल) क्रिकेटमा लगातार दोस्रो विजय हात पारेको छ । टोलीले शनिबारको दोस्रो खेलमा काठमान्डु गोर्खाजलाई ५ विकेटले पराजित गर्यो ।
विराटनगरले १ सय ३५ रनको लक्ष्य त्रिवि क्रिकेट अन्तर्राष्ट्रिय रंगशाला कीर्तिपुरमा १७.१ ओभरमै पुरा गर्यो । सुदूरपश्चिम रोयल्सपछि पहिलो दुवै खेल जित्ने विराटनगर अर्को टोली भएको छ । विराटनगरले पहिलो खेलमा एनपीएलकै उच्च स्कोर २ सय २० रन बनाउँदै पोखरा एभेन्जर्ससँगको खेल ५३ रनले जितेको थियो । पहिलो खेलमा डिफेन्डिङ च्याम्पियन जनकपुर बोल्टसलाई ५ विकेटले पराजित गरेयता काठमान्डु लगातार दोस्रो खेलमा पराजित भइसकेको छ । टोली अघिल्लो खेलमा सुदूरपश्चिम रोयल्ससँग २९ रनले पराजित भएको थियो ।
![NPL: Biratnagar wins by 5 wickets [Photos]](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2025/sports/nplkathmanduvsbiratnagar11222025c7a9524-22112025021744-1000x0.jpg&w=1001&h=0)
![NPL: Biratnagar wins by 5 wickets [Photos]](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2025/sports/nplkathmanduvsbiratnagar11222025c7a9834-22112025021841-1000x0.jpg&w=1001&h=0)