तराईमा जस्तो थ्रेसर, यातायतको सुविधा नभएकाले श्रममा सक्रिय हुनुपरेको फुङलिङ नगरपालिका-७ का जीवन पालुङ्वा बताउॅछन् । असार/साउन र कात्तिक/मंसिर महिनालाई किसानले मानो खाएर मुरी भित्र्याउने समयको रुपमा लिने उनले बताए । धान काट्ने, काटेको परालसहितको धान (जसलाई निहिन भनिन्छ) लाई खेतमै सुकाउने, सुकेको निहिन उठाएर धान/पराल छुट्याउने तथा धान ढिकुटीमा र पराल खोल्मामा यात माच बनाएर राख्ने फुङलिङ-७ का किसान अगन्धर गौतम बताउॅछन् ।

ताप्लेजुङमा एक नगरपालिका र आठ गाउँपालिका छन् । जिल्लाका फक्ताङलुङ गाउँपालिका-७ ओलाङचुङगोलाबाहेकका सबै वडामा धान खेती हुन्छ । कृषि ज्ञान केन्द्र ताप्लेजुङका कृषि प्रसार अधिकृत विजय श्रेष्ठका अनुसार ताप्लेजुङमा ५ हजार ६ सय ६६ हेक्टर जमिनमा धानखेती हुने गरेको छ । समयमा वर्षा नहुँदा यस वर्ष ४ हजार ७ सय ९७ हेक्टर अर्थात् ८४.६ प्रतिशतमा मात्रै रोपाइँ भएको थियो । गत वर्ष ९८.५ प्रतिशतमा रोपाइँ भएको थियो ।