शताब्दीयौंदेखि निरन्तर पूजाआजा हुँदै आएको यो शक्तिपीठ सुदूरपश्चिमका नौ भगवतीमध्ये एक प्रमुख धार्मिक गन्तव्य हो । मेलामा खनमडा, छचोडा, दुमडा र जिलोडा गाउँबाट देवीको डोलीसहित ‘देउरो’ मन्दिरमा ल्याएर खेलाइएको थियो ।

सुदूरपश्चिम प्रदेशकै प्रसिद्ध देहीजातका रूपमा परिचित उग्रतारा मेलामा यस वर्ष पनि सुदूरपश्चिमलगायत भारतका विभिन्न क्षेत्रबाट भक्तजन आएका थिए । श्रद्धालु मात्र नभएर विभिन्न स्थानका व्यापारीहरूले पनि मेलाका अवसरमा व्यापारिक स्टलहरू राखेका थिए ।उग्रतारा क्षेत्र विकास समिति अध्यक्ष तेजबहादुर साँकीले यस वर्ष मेलामा एक लाखभन्दा बढी भक्तजनको सहभागिता रहेको बताए ।