चरा संरक्षणकर्मीहरूका अनुसार चिल प्रजातिको यो चरा युरोप, एसिया र उत्तर एसियामा पाइन्छ । उत्तरी ध्रुवमा चिसो बढेपछि चराहरू दक्षिण एसियातर्फ बसाइँ सर्ने गर्छन् । यो प्रवासी चराको बथान बसाइँसराइका क्रममा काठमाडौं आइपुगेको हो ।

हिउँद सुरु हुनुअघि चितवन र कोशी क्षेत्रमा कहिलेकाहीँ यो चरा देखिने गरे पनि काठमाडौंमा यसरी बथानै देखिनु सम्भवतः पहिलो पटक भएको संरक्षणकर्मी बताउँछन् ।

कानको पछाडि कालो दागजस्तो देखिने यो चराको शरीर सेतो, खैरोखैरो पखेटा तथा चुच्चो र खुट्टा भने रातो हुन्छ । ससाना माछा, किराफट्यांग्रा र फोहोरका खानेकुरा यसको आहारा हो।