यही टोलका रोशन प्रजापतिको दैनिकी पनि उही छ। 'अहिलेलाई हाम्रो आम्दानीको मुख्यश्रोत यही हो। तर कच्चा पदार्थको अभाव छ,' उनले भने, 'हामीलाई माटोको अभावका कारण पाला बनाउन समस्या भइरहेको छ। यही अवस्थाको निरन्तरता हुने हो भने हामी कुनै दिन यो पेसा गर्न सक्ने अवस्थामा हुने छैनौँ।' उनले विगतमा सित्तैमा पाइने कालीमाटी यति बेला हरिसिद्धि र उपत्यका बाहिरका जिल्लाहरूबाट खरिद र ढुवानी गरेर ल्याउनुपर्ने अवस्था रहेको बताए।