‘दुधकुण्ड’ शब्दको अर्थ नै दूधजस्तै सेतो पोखरी हो । तालको पानी साँच्चै दूधझैं सेतो देखिने भएकाले यसलाई दुधकुण्ड भनिन्छ । वरिपरि रहेका हिमालहरू– नुम्बुर, कुसुम काङ्गुरु, काङ्तेगा आदि– को छायाा यस तालमा पर्छ र दृश्य अत्यन्त मनमोहक देखिन्छ ।

धार्मिक दृष्टिले यो ताललाई भगवान शिवको पवित्र तीर्थस्थल मानिन्छ । प्रत्येक वर्ष साउन महिनाको जनैपूर्णिमामा यहाँ ठूलो मेला लाग्छ। हिन्दू र बौद्ध दुवै धर्मावलम्बीले दुधकुण्डमा स्नान गरेर पाप नाश हुने र आत्मा शुद्ध हुने विश्वास गर्छन् ।

संक्षेपमा भन्नुपर्दा, दुधकुण्ड ताल केवल प्राकृतिक सौन्दर्यको प्रतीक मात्र होइन, यो आस्था, श्रद्धा र आत्मिक शान्तिको पवित्र स्थल हो । यहाँ पुग्ने जो–कोहीले प्रकृतिसँग नजिक भएर जीवनको सरलता र सौन्दर्य महसुस गर्न सक्छ । तस्बिरहरु : सोलुदुधकुण्ड नगरपालिकाका अध्यक्ष नाम्गेल जाङबु शेर्पा