ललितपुर — जनैपूर्णिमाको अवसरमा शनिबार ललितपुरको बंगलामुखी मन्दिरमा झाँक्री नाच देखाइएको छ । बंगलामुखीस्थित कुम्भेश्वरमा जनैपूर्णिमाको अवसरमा बर्सेनि ठूलो संख्यामा दर्शनार्थी भेला हुन्छन् । जनैपूर्णिमाको दिन उक्त स्थानमा मेला भर्न स्थानीय पाटनवासी, चापागाउँ, हरिसिद्धि, ठैव, धापाखेल, सुनाकोठी, बुङ्मती, खोकना, गोदावरीलगायत उपत्यकाका विभिन्न स्थानबाट दर्शनार्थीको भीड लाग्छ ।