काठमाडौँ — विश्व सम्पदा सूचीमा सूचीकृत बसन्तपुर दरबार स्क्वायर क्षेत्रमा हिजोआज पुनः निर्माणको काम धमाधम भइरहेको छ । दरबार क्षेत्रमा पुराना ब्लक र ढुंगा फेरेर नयाँ राख्न थालिएको हो । उक्त काम भइरहँदा त्यहाँ जाने पर्यटक र सर्वसाधारणलाई आवतजावतमा कठिनाइ समेत भएको छ । यस क्षेत्रमा दरबार संग्रहालय, काष्ठमण्डप मन्दिर, माजुदेव मन्दिर, कागेश्वरी मन्दिर, कृष्णमन्दिर, लक्ष्मी नरायण मन्दिर र कृष्ण मन्दिर लगायतका एतिहासिक एवं धार्मिक सम्पदा रहेका छन् ।