त्यस्तै बिहारको दीपंकर तथा बुद्धका मूर्ति र ‘पौः बाः’ सजाई बाहिर प्रदर्शन गर्ने गरिन्छ । मंगलबजारस्थित बौद्ध चैत्यको सामुन्ने गुइत अजी (गुइत हजुरआमा) बा लक्ष्मी थकु नामले प्रसिद्ध अविवाहित महिलाको तर्फबाट पञ्चदान गरिएको हो । पञ्चदान गर्दा फुद्यो (अन्तिम पञ्चदान लिन आउने) नआएसम्म दान गरिराख्नुपर्ने परम्परा छ ।

लिच्छविकालमा पाटनको गुल्तङ ग्राम नामले प्रसिद्ध उक्त ठाउँमा सत्ययुगमा सर्वानन्द नाम गरेका राजाले आफ्नो दरबारमा दीपंकर तथागत र उनका शिष्यलाई निमन्त्रणा गरी सर्वप्रथम पञ्चदान आयोजना गरेको जनविश्वास छ । श्रावण शुक्लपक्ष अष्टमीका दिन ललितपुरमा मात्र आयोजना हुने भएकाले यसलाई ‘यल पञ्चदान’ भन्ने गरिएको हो ।