सहभागीले इन्जिनियरिङ अध्ययन संस्थानको अस्तित्व बचाउ, एक्ज्याम कहिले हुन्छ, सल्ला धुपैले विद्यार्थीको भविष्य अन्धकार भयो टीयू तिम्रो रुपैलेलगायत नारा लेखिएका प्लेकार्ड प्रदर्शन गरेका थिए ।

त्रिविले स्वायत्तता र विकेन्द्रकरणअन्तर्गत आर्थिक अधिकार खोसेको आरोप लगाउँदै प्राध्यापकले आन्दोलन थाल्दा पुल्चोक, थापाथली, पोखरा, धरान र चितवन इन्जिनियरिङ क्याम्पसको कक्षा सञ्चालन रोकिएको छ । २५ असारदेखि पठनपाठन रोकेर प्राध्यापक संघको अगुवाइमा क्याम्पसहरूमा धर्ना दिइएको हो । प्राध्यापक संघ इन्जिनियरिङ क्याम्पस इकाइका सहसचिव तथा प्रवक्ता रोशन कार्कीले त्रिविले आर्थिक स्वायत्तता खोसेकाले आन्दोलनमा उत्रेको बताए ।

२०५५ सालमा त्रिविले संस्थानलाई विकेन्द्रीकरण र स्वायत्तताको अधिकार दिएको थियो । त्यसविपरीत २०८० को त्रिवि सभा (सिनेट) ले आर्थिक अधिकार कटौती गरेको संघको भनाइ छ । विकेन्द्रीकरण र स्वायत्तता अधिकार दिइएका त्रिविका निकायले आर्थिक, प्रशासनिक र शैक्षिक गतिविधिमा थप स्वतन्त्रता प्राप्त गरेका हुन्छन् ।