कृषि ज्ञान केन्द्र ताप्लेजुङका सुचना अधिकारी शशिकुमार सिंह रोपाइँ ढिलो हुनुमा पानी नपर्नु मुख्य कारण रहेको बताउँछन् । उनका अनुसार जिल्लामा ५ हजार ६ सय ६६ हेक्टर क्षेत्रफलमा धान खेती हुने गरेको छ । त्यसमध्ये १ हजार १ सय ११ हेक्टरमा धान रोपिएको छ । ताप्लेजुङका किसानले जेठ तेश्रो सातादेखि थालेर साउन अन्तिम सातासम्म रोपाइँ गर्ने गरेको ज्ञान केन्द्रले जनाएको छ । सदरमुकाम फुङलिङको बोझे, मेरिङदेनको थिङलावु, लिंतेप लगायतको क्षेत्रमा जेठमै धान लगाउन थालिन्छ । आठराईत्रिबेणीको हाङपाङ, पाथीभरा याङवरकको काबेली, सेसम्बु लगायतका क्षेत्रमा साउन अन्तिम सातासम्म रोपाइँ गरिन्छ ।