प्रहरीले धर्नामा बसेका २ युवालाई समेत नियन्त्रणमा लिएको छ  । साथै धर्नामा बसेका युवालाई लाठी हानेको तस्बिर खिचेको भन्दै प्रहरीले पत्रकारमाथि समेत दुर्व्यवहार गरेको छ । कान्तिपुरका फोटोपत्रकार अंगद ढकाल र अनलाइनखबरका फोटोपत्रकार आर्यन धिमालमाथि प्रहरीले दुर्व्यवहार गरेको हो ।

प्रदर्शनका क्रममा सडक नै बन्द गरेपछि लाठीचार्ज गर्नु परेको जिल्ला प्रहरी परिसर, ललितपुरका प्रहरी वरिष्ठ उपरीक्षक श्याम अधिकारीले दाबी गरे । ‘५०/६० जनाको समूहले बाटो नै बन्द गरेर हामीले बाटो सञ्चालन गराउन लाठीचार्ज गरेका हौं,’ अधिकारीले भने,‘ बाटो अवरोध नगरी माग राख्नुभन्दा नमानेपछि बल प्रयोग गर्नु परेको हो । ’