सात दशमलव छ म्याग्निच्युडको भूकम्पले आठ हजार नौ सय ७९ जनाले ज्यान गुमाएका थिए । उक्त भूकम्पमा परी २२ हजार ३०९ घाइते भएका थिए । सोही विनाशकारी भूकम्पको स्मृतिमा आज काठमाडौंको सुन्धारामा प्रधानमन्त्री केपी शर्मा ओली, गृहमन्त्री रमेश लेखक, उपप्रधान एवं सहरी विकासमन्त्री प्रकाशमान सिंह लगायतको उपस्थितिमा विशेष कार्यक्रमको आयोजना गरिएको हो । ‘सुरक्षित पूर्वाधार निर्माण गरौँ, भूकम्पबाट जोगिऔ’ भन्ने सन्देश दिनका लागि भूकम्प स्मृति दिवस मनाइएको हो ।