काठमाडौँ — बल्खुमा राष्ट्रिय प्रजातन्त्र पार्टीको सभालाई ध्यानमा राखेर ठूलो संख्यामा प्रहरी र सुरक्षाकर्मी तैनाथ गरिएको छ । सभास्थल आसपासका क्षेत्रमा करिब २ हजार सुरक्षाकर्मी तैनाथ भएका छन् । आजको सभालाई शान्तिपूर्ण र मर्यादित बनाउन राप्रपाले स्वयंसेवक परिचालनमा विशेष ध्यान दिएको बताएको छ । संवैधानिक राजतन्त्र र हिन्दु राज्य पुन:स्थापनाको मागसहित राप्रपाले सभा गर्न लागेको हो ।