काठमाडौँ — नेपाल विद्युत् प्राधिकरणको कार्यकारी निर्देशकबाट कुलमान घिसिङलाई हटाएकोमा चौतर्फी विरोध भएको छ । सत्तारुढ दल एवं प्रतिपक्षी दलका नेताहरुले समेत कुलमानलाई हटाउने निर्णयको विरोध गरिरहेका छन् । यसैबीच कुलमान हटाएको विरोधमा सरकारविरुद्ध बुधबार पनि रत्नपार्कस्थित प्राधिकरणको कार्यालय अगाडि विभिन्न समूहले प्रदर्शन गरिरहेका छन् । प्रदर्शनका क्रममा घिसिङका समर्थक र प्रहरीबीच घम्साघम्सी समेत भएको छ ।