राप्ती नदीको पुलको बीचोबीच भागमा पुग्दै गर्दा बालुवाको स–सानो ढिस्को जस्तो छ । सौराहाबाट जंगल सफारीमा पश्चिम हिँडेका पर्यटक बोकेका जीपहरु कसरासम्म आउँछन् । आधा दिनको सफारी कसरा आएपछि टुङ्गिन्छ । पूरा दिनको जंगल सफारीमा आएका जिप कसराबाट पनि पश्चिम लाग्छन् । कसरा वरपर छन् लामिताल, तमोर ताल,थपलिया ताल जस्ता सीमसार क्षेत्र, सालको जंगल र घाँसेमैदानका साना ठूला फाँट । तालमा पनि मगर गोहीका साथमा अर्को दुर्लभ वन्यजन्तु गैंडा देखिन्छ ।

गैंडा घाँसे मैदानमा चर्दै गरेको र सालको जंगलमा थकाइ मार्दै गरेका पनि भेटिन्छन् । वनमा मयुर नाँच्दै र तालमा पानीमा आश्रित चराहरु माछा टिप्न पौडिदै गरेका हुन्छन् । चित्तलका बथान पनि ठाउँ-ठाउँमा देखिन्छन् ।