त्यसैगरी, त्रिभुवन आर्मी क्लबका सुशिलकुमार शाही दोस्रो स्थानमा रहे। उनले उक्त दूरी २ घण्टा २० मिनेट २५ सेकेण्डमा पूरा गरी २ लाख ५० हजार नगद पुरस्कार जिते। केन्याका धावक स्टेफेन कोस्गेईले २ घण्टा २० मिनेट ४७ सेकेण्डमा म्याराथन पूरा गरी तेस्रो स्थान हासिल गरे। उनले १ लाख ५० हजार नगद पुरस्कार जिते।

२१ किमीको महिला हाफ म्याराथनमा, सन्तोषी श्रेष्ठले एक घण्टा २० मिनेट ५ सेकेण्डमा दूरी पूरा गरी प्रथम स्थान हासिल गरिन्। उनले १ लाख ५० हजार नगद पुरस्कारसहित मेडल र प्रमाणपत्र प्राप्त गरिन्। त्रिभुवन आर्मी क्लबकी पूर्णलक्ष्मी न्यौपानेले २ घण्टा २१ मिनेट ४९ सेकेण्डमा दूरी पूरा गरी दोस्रो स्थान पाईन्। उनले १ लाख नगदसहित मेडल र प्रमाणपत्र प्राप्त गरिन्। चीनकी चेन वेईले २ घण्टा २६ मिनेटमा दूरी पूरा गरी तेस्रो स्थान पाईन्। उनले ८० हजार नगदसहित मेडल र प्रमाणपत्र प्राप्त गरिन्।

बुद्ध जन्मस्थल लुम्बिनीमा आयोजना गरिएको उक्त प्रतियोगितामा पुरस्कृत खेलाडीहरूलाई चीनका राजदूत चेन सोङ र नेपाल ओलम्पिक कमिटीका अध्यक्ष जीवनराम श्रेष्ठले नगद पुरस्कार र प्रमाणपत्र वितरण गरेका थिए।

यसका साथै, ५ किमी दूरीका छात्र-छात्राको म्याराथन र ३ किमीको वकाथन प्रतियोगितासमेत सम्पन्न भएका थिए। दोस्रो लुम्बिनी अन्तर्राष्ट्रिय शान्ति तथा ध्यान महोत्सव कार्यक्रमअन्तर्गत चिनियाँ दूतावासको सहकार्यमा संस्कृति, पर्यटन तथा नागरिक उड्डयन मन्त्रालयसहित विभिन्न निकायहरूले म्याराथनको आयोजना गरेका थिए।