पशुपति विकास कोषले शिवरात्रिका लागि यसपटक डेढ करोड बजेट विनियोजन गरेको छ । उक्त रकम पशुपति मन्दिर परिसरमा रंगरोगन, साधुसन्तलाई खानपान, धुनीका लागि दाउरा/मुढा व्यवस्थापनलगायतमा खर्च गरिने कोषले जनाएको छ । साधुसन्तलाई कोषले निर्मल अखडा, अन्नपूर्ण अखडा, भष्मेश्वर अखडा, विश्वरूपा अखडा गरी ७ वटा स्थानमा राखेको छ । ती स्थानमा उनीहरूका लागि कोषकै खर्चमा खानपानको व्यवस्था गरिएको छ ।