नेविसंघले प्रधानमन्त्री केपी शर्मा ओलीसँगै आफ्नै माउ पार्टी कांग्रेसका नेताहरुविरुद्ध पनि प्रदर्शन गरेको हो । उनीहरुले प्रधानमन्त्री ओली र कांग्रेस नेतामाथि प्रश्न र व्यंग्य लेखिएका प्लेकार्ड प्रदर्शन गरेका छन् । 'केपी बा समृद्ध नेपालमा बोल्न पाइन्न र ?', 'रोजगार दिएनौ त अब बोल्न देउ सरकार,' 'नियमन चाहिएको हो, नियन्त्रण होइन,' 'कांग्रेसको एक तारा, हराएको सूचना', 'प्रश्नसँग डराएको सरकार'लगायत नारा कार्डहरुमा लेखिएको थियो ।