एनपीएलमा दर्शकको उत्साह [तस्बिरहरू]

सोमबार करिब ९ हजार टिकट बिक्री

मंसिर १७, २०८१

काठमाडौँ — अन्तर्राष्ट्रिय स्टार खेलाडीहरू सहभागी नेपाल प्रिमियर लिग (एनपीएल) ले नेपाली क्रिकेटप्रेमीहरूबीच उत्साह ल्याएको छ । शनिबार उद्घाटन खेलमा त्रिवि अन्तर्राष्ट्रिय क्रिकेट मैदान भरिएको मात्र थिएन, मैदानबाहिरबाट हेर्नेहरूको खेल हेर्नेहरूको पनि घुइँचो थियो । विराटनगर किंग्स र जनकपुर बोल्ट्सबीचको उद्‍घाटन खेलमा दर्शकबीच ठेलमठेल हुँदा केही घाइते समेत भएका थिए ।

त्यस्तै सोमबार काठमाण्डु गुर्खाज र चितवन राइनोज तथा कर्णाली याक्स र जनकपुर बोल्ट्सबीचको खेलमा दर्शकको उत्साहजनक उपस्थिति रहेको थियो । नेपाल क्रिकेट संघ(क्यान) का प्रवक्ता छुम्बी लामाका अनुसार सोमबार भीआईपीतर्फ ८ सय र साधारणतर्फ करिब ८ हजार २ सय टिकट बिक्री भएको थियो । भीआईपीतर्फको टिकटदर ७ सय रुपैयाँ र साधारणतर्फ ३ सय रुपैयाँ तोकिएको छ ।

अंगद ढकाल ढकाल विगत एक दशकदेखि फोटोपत्रकारका रुपमा कार्यरत छन् । उनी हाल कान्तिपुर दैनिकसँग आवद्ध छन् ।