काठमाडौँ — तुवाँलो, हावाहुरी र औद्योगिक प्रदूषणका कारण आइतबार दिनभर काठमाडौं उपत्यकाको आकाश धुम्म रह्यो । डढेलोबाट निस्किएको धुँवा, हावाहुरीसँगै उड्ने धुलोका कण र शहरको प्रदूषणका कारण उपत्यकाको आकाश नै प्रदूषित बनेको हो । आइतबार प्रदूषित तुवाँलोले आकाश नै पहेँलिएको थियो । वायु प्रदूषण मापक आईक्यू एअरका अनुसार आइतबार काठमाडौं विश्वका १२१ वटा सहरमध्ये सबैभन्दा प्रदुषित सहरकोरुपमा मापन भएको छ ।