कान्तिपुर वेबसाईट
AdvertisementAdvertisement

यो मर्यादित संसद् हो ?

तस्बिर : अंगद ढकाल

काठमाडौँ — प्रतिनिधिसभामा अघिल्लो बैठकबाटै अवरोध गर्दै आएको एमालेले शुक्रबार झन् बढी आक्रोश व्यक्त गर्‍यो । एमाले सांसदहरुले चर्को नाराबाजी गरे । यही बीचमा सभामुख अग्निप्रसाद सापकोटाले अर्थमन्त्री जनार्दन शर्मालाई प्रतिस्थापन विधेयक पेस गर्न अनुमति दिए । त्यसक्रममा एमाले सांसदहरूको आक्रोशको मात्रा झन् झन् चुलिँदै गयो । केही सांसद् रोस्ट्रम चढ्न खोजे । मयर्दापालकसँग घम्साघम्सी चल्यो । एमाले सांसद रेखाकुमारी झाले गृहमन्त्री बालकृष्ण खाँणको टेबुलको माइक झिकेर रोस्ट्रमतर्फ हान्ने कोसिस गरिन् । संसद्‌भित्रको दृश्यलाई ईकान्तिपुरकर्मी अंगद ढकालले यसरी कैद गरेका छन् ।


प्रकाशित : भाद्र २५, २०७८ १७:४१
प्रतिक्रिया
पठाउनुहोस्

नारायणहिटी संग्रहालयमा 'रामापिथेकस' राखिने

त्रिचन्द्र कलेज र घण्टाघरलाई ऐतिहासिक महत्त्व झल्किने गरी पुरानै ढाँचामा पुनर्निर्माण गरिने
कान्तिपुर संवाददाता

काठमाडौँ — सरकारले नारायणहिटी दरबार संग्रहालयमा 'रामापिथेकस'देखि मुलुकको सम्पूर्ण कालखण्ड झल्किने ऐतिहासिक नमुना तथा प्रतिमा राखेर शासकीय संग्रहालयका रूपमा विकास गर्ने भएको छ । अर्थमन्त्री जनार्दन शर्माले शुक्रबार संसदमा प्रस्तुत गरेको अर्थसम्बन्धी अध्यादेशहरूलाई प्रतिस्थापन गर्ने विधेयक उक्त बुँदा समेटिएको हो । 

‘नारायणहिटी दरबार संग्रहालय परिसरमा रामापिथेकसदेखि मुलुकको सम्पूर्ण कालखण्ड झल्किने गरी ऐतिहासिक शासकीय संग्रहालयको निर्माण प्रारम्भ गरिनेछ,’ अध्यादेशमा भनिएको छ ।

त्यसैगरी, योगमायादेखि हालसम्मका सहिद, नेपालको ऐतिहासिक जनआन्दोलन एवं जनयुद्ध मधेस आन्दोलन लगायतमा त्याग र नेतृत्व गर्ने राजनीतिज्ञको इतिहास समेटेर संग्रहालय निर्माण गरिने भएको छ । ‘संग्रहालय निर्माण प्रारम्भ गर्न आवश्यक बजेट विनियोजन गरेको छ,’ अध्यादेशमा लेखिएको छ, ‘नेपालको धर्म, संस्कृति, परम्परा प्रदर्शित हुने गरी धार्मिक पर्यटन प्रवद्र्धन गर्न धार्मिक संग्रहालय स्थापना गरिनेछ ।’

त्यस्तै कक्षा १२ सम्मका विद्यार्थीलाई ‘पढ्दै कमाउँदै’ कार्यक्रम ल्याइएको छ । ‘सबै प्रदेशका केही विद्यालयमा ‘पढ्दै कमाउँदै’ कार्यक्रम नमुनाका रूपमा लागू गरिनेछ,’ उल्लेख छ ।

त्यसैगरी मुलुकको सबैभन्दा पुराना त्रिचन्द्र कलेज र घण्टाघरलाई ऐतिहासिक महत्त्व झल्किने गरी पुरानै ढांचामा पुनर्निर्माण गरिने भएको छ । यस्तै, विश्वविद्यालयहरूलाई पूर्वाधार विकासहित अनुसन्धान केन्द्रका रूपमा विकास गरिने उल्लेख छ ।

प्रकाशित : भाद्र २५, २०७८ १७:१९
पूरा पढ्नुहोस्
प्रतिक्रिया
पठाउनुहोस्
×