हाम्रो कम्पनीले भारतमा उत्पादन भएका विभिन्न सामान नेपाल निर्यात गरिरहेको छ र हामी नेपालको कानुनसँग चिरपरिचित छौं ।
गत वर्ष नेपाल भन्सार विभागले नेपालमा आयात हुने सबै उत्पादनमा एक्जिम कोडसहित आयातकर्ताको विवरण राख्नुपर्ने सूचना जारी गरेको थियो । हाम्रो निर्यातमा त्यस्ता सबै लेबल राखिएका छन् । यो एउटा राम्रो प्रयास पनि हो । यसले नेपालको कर प्रणालीलाई बढावा दिन्छ र अनधिकृत आयात घटाउन सघाउ पुर्याउँछ । यद्यपि, नेपाली बजार भ्रमण गर्दा मैले धेरैतिर आयातित उत्पादनहरूमा त्यस्तो लेबल राखेको पाइनँ, जुन विभागले अनिवार्य बनाएको छ । यस्तो लेबलको मुद्रणले ग्राहकलाई अतिरिक्त लागतको बोझ थप्छ । किनकि, हामीले नेपाली बजारमा विशेष लेबल बनाएर पठाउनुपर्छ । मेरो प्रश्न यो छ कि यस्तो लेबल नलगाउने उत्पादनका लागि किन कुनै कारबाही हुँदैन ?
– शेखर कुमार, कोलकाता, हाल: काठमाडौं
