हरेक वर्ष नेपाली सेनाले महाशिवरात्रि तथा सेना दिवस काठमाडौंको टुँडिखेलमा विविध कार्यक्रम गरेर मनाउने गर्छ ।
उक्त कार्यक्रमको तयारीका समयमा सेनाले उडाउने हेलिकोप्टरले राजधानीको केन्द्र पूरै धूलोले ढाक्छ र सो धूलो पूरै उपत्यकाभरि फैलिन्छ । उसै त अहिले हावाको गुणस्तर कमजोर तथा वातावरण प्रदूषित छ भने त्यसमाथि सेनाले आमनागरिकको स्वास्थ्य प्रतिकूल हुने गरी कार्य गर्दा स्वास्थ्य जोखिम थप बढेको छ । अचम्मको कुरा त के छ भने राज्यका विशिष्ट व्यक्ति सहभागी हुने सेना दिवसकै दिन भने पहिले नै पानी हालेर धूलो नउड्ने बनाइएको हुन्छ । तसर्थ, पहिलेदेखि नै सतर्क रही आमनागरिकप्रति पनि नेपाली सेना जिम्मेवार बनोस् ।
– सञ्जय अधिकारी, काठमाडौं
